< اسبوعيا > اخذ باك اب تلقائي كامل "' (1 Viewer)

Damas

Administrator
طاقم الإدارة
السلاااام عليكم ورحمةالله وبركاته

شخبار الكل عساكم بخير؟؟

اليوم يايب لكم طريقه طبعاً مب طريقتي
nosweat.gif


هي طريقة شرحها العندليب وأغلب الأعضاء ما فهموها << عاد انته العبقري خخخخ
shiny01.gif


وانا بعيد شرحها لكن بكل بسااااطه
icon31.gif


والفايده منها هي :

أخذ باك اب بشكل اسبوعي وتلقائي << طبعا باك اب كاااامل مكمل ^_^

شوفو مثل الصوره

09.JPG


في خطوتين بسيطات :

بسم الله نبدأ الشرح

الخطوه 1 :

ادخل من الـ ftp على موقعك وتأكد أنك خارج " public html " أو "www"

اعيد واكرر خاااارج

وسوي مجلد جديد بإسم : forumbackup

<<< خلصتووو شطاااار هذي الخطوه الاولى ^_^ << اعيد واكرر خاااااارج " public html " أو "www"

الخطوه 2 :

الحين ادخلو لوحة تحكم الموقع

www.yoursite.net/cpanel
أو
www.yoursite.net/siteadmin

طيب الحين فتشووو زين ودوروو على كلمة " Cron Jobs "

إضغطو عليها

الحين طلعت لكم هذي الصفحة

08.JPG


خخخخ لا تخافو منها ^_^ بشرحها لكم

minute : دقيقه
hour : ساعه
day : يوم
month : شهر
weekday : يوم في الأسبوع
* : كل يوم او كل ساعه او كل شهر << على حسب الخانه
comand : امر

الحين تابعو معي زين يجزاااكم ربي خير

الحين عندك المربعات صح ولا لا ؟

مثلا احنا نبا الباك اب كل يوم أحد الساعه 3 و 30 دقيقه شو نسوي ؟؟

نروح للمربع الأول minute : ونكتب 30
نروح المربع الثاني hour : ونكتب 3
day : خليه مثل ما هو "*"
month : نخليه مثل ما هو "*"
نرو للمربع weekday : نكتب 1

الأمر نكتب التالي

رمز PHP:
mysqldump --user=DBUSER --password=DBPASSWORD --quick --add-drop-table --add-locks --extended-insert --lock-tables --all DBNAME | gzip > /home/USER/forumbackup/dbbackup-`date -I`.gz

مع مراعاة تغير مايلي :

DBUSER : يوزر قاعدة البيانات
DBPASSWORD : باسوورد قاعدة البيانات
DBNAME : اسم قاعدة البيانات
USER : اليوزر الي تدخل به للوحة تحكم الموقع

طيب الحين خلصنا ونضغط على

SUBMIT

ملاحظة بسيطه :

الأيام بالنسبه لـ weekday

الأحد = 1
السبت = 2
الإثنين = 3
الثلاثاء = 4
الأربعاء = 5
الخميس = 6
الجمعة = 7

وانتهى الدرس ^_^

اتمنى انه يعجبكم

واتمنى انكم تشيلو هاكات أخذ نسخ من قواعد البيانات لأنه خلاص ماعاد لها فايده ^_^

" لا خير في كاتم علم "

صحيح نسيت << طبعا قاعدة البيانات بتلقوها في مجلد forumbackup
إلي سويناه خارج public html
وكل باك اب اسمه هو " تريخ الباك اب "
علشان نريحكم من التجربه عندك التاريخ وكل شي

 
أعلى